Ihoberen jardunaren funtsezko oinarri bat aliantzen sare sendo bat da, horrek indartzen baitu trantsizio energetikoa eta klimatikoa Euskadin bultzatzeko duen ahalmena. 2025ean, Ihobe sozietate publikoak lankidetza estuan lan egin du enpresekin, administrazio publikoekin, toki-erakundeekin, gizarte-eragileekin eta ezagutzaren arloko eragileekin, eta baita estatuko eta Europako sare eta foroekin ere, ingurumen-ekintzari buruzko ikuspegi konpartitu eta koherente baten alde eginez.

Aliantza horiek ahalbidetzen diote Ihoberi bere jarduketen inpaktua biderkatzea, ezagutza aplikatua sortzea, jardunbide egokiak konpartitzea eta modu koordinatuan aurrera egitea, besteak beste funtsezko eremu hauetan: ekonomia zirkularra, klima-ekintza, tokiko jasangarritasuna eta ingurumen-hezkuntza, elkarlanean eta erantzukidetasunean oinarritutako gobernantza-eredu bat finkatuz.

Udako ikastaroen esparruan, Euskal Herriko Unibertsitatearekin eta UIKren lankidetzarekin, Ihobek honako ekimen hauek antolatzen ditu: Jasangarritasunerako Hezkuntza Eskola, Ingurumen Neurketa Aurreratuko Eskola eta Ingurumen Komunikazioko Eskola. Horien bitartez, jasangarritasunaren erronka nagusiei heltzen die, hiru funtsezko ikuspegitatik.

Ihobek Basque Circular Summit 2025 ekitaldia egin zuen apirilean, hau da, Europako hegoaldeko ekonomia zirkularrari buruzko ekitaldirik handiena. Topaketa horrek Estatu osoko 700 enpresa mobilizatu zituen, eta zirkulartasunarekin lotutako gaietan espezializatutako 150 hizlariren parte-hartzea izan zuen; ekitaldira 25 herrialdetako 1.300 profesional baino gehiago etorri ziren.

info

Euskadiko 2030erako Industria Planaren baitan, Eusko Jaurlaritzak BasquESG ekimena abiatu zuen, plan horretako proiektu eraldatzaile bezala. Estatuan aurrendaria izanik, ekimena Euskadiko ETE industrialentzat dago diseinatuta, enpresa horiek tresna estandarizatu bat izan dezaten euren ingurumen-, gizarte- eta gobernantza-jokabidea (ESG) neurtzeko eta komunikatzeko, horren bidez nazioarteko finantziaziora eta hornidura-kateetara iritsi ahal izateko.

info

2025ean, Ihobek Euskadiko 2025eko Ingurumen Profila aurkeztu zuen, udal-hondakinen egoera gai nagusitzat hartuta. Urteko txosten horrek ingurumenak gure lurraldean duen egoeraren eboluzioa deskribatzen du, egoerari, aurrerapenei eta erronkei buruzko ingurumen-adierazletan oinarritutako ikuspegi bat eskainiz, politika publikoei lotuta. Euskadiko 2025eko Ingurumen Profil berriaren arabera, EAE Europako batez bestekoaren azpitik dago pertsona bakoitzeko sortzen diren udal hondakinei dagokienez. 503 kg biztanleko EAEn, eta 513 kg biztanleko EB-27n.

info

2025ean, Ihobek Euskadiko 2025eko Ingurumen Profila aurkeztu zuen, udal-hondakinen egoera gai nagusitzat hartuta. Urteko txosten horrek ingurumenak gure lurraldean duen egoeraren eboluzioa deskribatzen du, egoerari, aurrerapenei eta erronkei buruzko ingurumen-adierazletan oinarritutako ikuspegi bat eskainiz, politika publikoei lotuta. Euskadiko 2025eko Ingurumen Profil berriaren arabera, EAE Europako batez bestekoaren azpitik dago pertsona bakoitzeko sortzen diren udal hondakinei dagokienez. 503 kg biztanleko EAEn, eta 513 kg biztanleko EB-27n.

info

Ihobek, EEEk eta Sprik bultzatutako Teknologia Garbien Euskal Zerrenda merkatuan eskuragarri dauden ekipo batzuen zerrenda bat da, ezaugarri hauek dituena: ekipo horiek ez daude oso txertatuta ekoizpen-sektoreetan, baina haien aplikazioa onuragarriagoa da ingurumenaren ikuspuntutik, helburu berbererako erabiltzen diren beste teknologia konbentzional batzuen aldean. Teknologia Garbien Euskal Zerrendan sartutako teknologiek ingurumen- eta zerga-abantailak ekartzen dizkiete enpresei, bertan sartutako edozein teknologiaren erosketak ahalbidetzen baitu % 35eko kenkaria lortzea ekipoan inbertitutakoaren kostutik, Sozietateen gaineko Zergaren kuotan. Tresna hori hedatzeko xedez, informazio-jardunaldiak egin ziren bai Bizkaian eta bai Gipuzkoan, ia 300 enpresaren presentziarekin.

info

Urriko hirugarren astean urtero egiten den ASTEKLIMA-Euskadiko Klima eta Energiaren Asteak milaka pertsona erakartzea lortu zuen berriz ere, 2025eko edizioan; izan ere, pertsona horiek parte hartu zuten klima-aldaketaren ondorioak ezagutzera eta prebenitzera zuzendutako ekintza herritar horren jarduera-programa zabalean. 2025eko edizioak dibulgazioa, sentsibilizazioa eta esperientzia praktikoak uztartu zituen, 37 erakundek antolatutako 138 jarduketei esker. Emaitza: 2.700 pertsona baino gehiago klima-ekintzarekin konprometituta.

info

Ihobek lantalde aurrendari bat abiatu zuen naturan oinarritutako soluzioak (NBS, ingelesezko siglen arabera) Euskadin sustatzeko. Taldea honako erakunde hauetako ordezkariz osatuta dago: Bilbo, Donostia, Getxo eta Legazpiko udalak; udalerriz gaindiko erakunde publikoak, hala nola Bizkaiko Foru Aldundia eta Naturklima; berrikuntza-zentroak eta unibertsitateak, hala nola Tecnalia, BC3 eta UPV/EHU; elkarte eta klusterrak, hala nola Aclima eta Bilbao Urban; diseinu eta arkitekturako enpresak, hala nola Krean, AECOM eta Lur Studio; eta NBSak instalatzen dituzten enpresak, hala nola Tekura, ZinCo, Cubiertas Ajardinadas eta Cementos Hanson-Rezola.

info

Ihobek, Euskalmet - Euskal Meteorologia Agentziaren lankidetzarekin, “Euskadiko Klimaren Egoera” izeneko lehenengo txostena argitaratu zuen; dokumentuak xehetasunez aztertzen du lurraldearen klima-eboluzioa 1970etik 2023era arte -eskura dauden azken datu erregistratuak urte horretakoak dira-. Txosten horrek nazioarteko eta eskualde mailako datu zientifikoak laburbiltzen ditu, eta lurraldeko kliman orain arte behatutako aldaketei buruzko ikuspegi integral bat eskaintzen du; horrekin batera, azterketak etorkizunerako klima-proiekzioekin osatzen ditu, eta horrek ahalbidetzen du datu zehatzagoak izatea, tokiko errealitatera egokituak.

info

Urrian, Ihobek Autonomia Erkidegoen lurzoru kutsatuei buruzko XV. foroa antolatu zuen. Topaketa tekniko horrek beste lurralde batzuetako adituak bildu zituen, lurzoruaren babesaren arloko aurrerapen, erronka eta esperientziak konpartitzeko. Foro hau hirugarren aldiz bildu da Euskadin, eta bere helburua da Autonomia Erkidegoen arteko lankidetza sustatzea, lurzoruaren kutsaduraren arloan.

info

Uraren Munduko Egunarekin batera, Ekoetxea Sareak Ekoetxea berri bat inauguratu zuen, Añana-Sobronen (Araba). Zentro horren ardatz tematikoa ura izango da, antzinako Uraren Museoan kokatuta dagoelako, eta Euskadiko Ekoetxea Sarea jadanik osatzen dituzten lau zentroei gehitzen zaie, alegia, Urdaibai eta Meatzaldea Bizkaian, eta Azpeitia eta Txingudi Gipuzkoan.

info