Energiaren Euskal Erakundea (EEE), Eusko Jaurlaritzak ezarritako politiken ildotik, hainbat egitasmo eta ekimen garatzen dituen euskal energia agentzia da. Bere misioa da Euskadiko energia estrategiak proposatzea, horniketa-bermearen, kostuetan lehiakortasunaren, iraunkortasunaren eta garapen teknologikoaren irizpideak aintzat hartuta. Xede horiek betetzeko, EEEk Eusko Jaurlaritzaren Ekonomiaren Garapen eta Azpiegitura Sailari zerbitzuak ematen dizkio, energiaren eta geologia-meatzaritzako baliabideen gaietan lanak egiten ditu eta erakunde eta enpresak suspertu eta inplikarazteko, zenbait egitasmotan hartzen du parte.

Euskadin erreferentzia erakundea da energiaren alorrean, energia-eraginkortasuna hobetzeko, energia berriztagarriak sustatzeko eta gas naturala edukitzeko eta, azken batean, Euskadi energiaren alorrean ezagutza-gune gisa eta industria erreferentzia gisa kokatzeko. Energiaren Euskal Erakundean partaidetza dute alor hauetako enpresek: efizientzia energetikoa, energia baliabide berriztagarriak, geologia-meatzaritzako baliabideak, hidrokarburoak, azpiegitura eta zerbitzuak, eta gas naturala eta elektrizitatea.