Epaimahaikideak ikus-entzunezko sektoreko profesionalak dira, bai eta klima-aldaketa eta haren ingurumen-eraginak aztertzen dituzten profesionalak ere. Hala, honako sari hauek eman zituzten:

“25 minutuak” mikrofilm laburrak jaso zuen EITBk babestutako lehenengo saria, 800 eurokoa. Lan horretan ikuspegi berritzailea ardatz duen klima-aldaketaren arazoa nabarmentzen da, bai eta hori egiteko erabili den kalitate teknikoa, gidoiaren originaltasuna eta umorea ere.

Epaimahaiak 500 euroko bigarren saria eman dio “La proporción vasca” mikrofilm laburrari. Mikrofilm labur horrek klima-irtenbideak izan ditu hizpide. Halaber, mezu positiboa eta zaindua transmititu du. Epaimahaiak nabarmen balioetsi du kide izatearen sentimendua interpelatzeko izan duen gaitasuna.

Hirugarren edizioaren bideoek “Ekintza klimatikoa: ikuspegi berri bat” gaia dute ardatz

Epaimahaiak 500 euroko hirugarren saria eman dio “Reciclaje organizado” mikrofilm laburrari, gidoian, ekoizpenean eta muntaketan egin duen lanagatik. Talde ebaluatzaileak oso modu positiboan nabarmendu du bideoaren estetika, publizitateko iragarkien oso antzekoa baita.

Publikoaren sariaren bozketan, Last Tourrek babestutako “Esperanza” mikrofilm laburrak irabazi zuen. Zuzendari-taldeak sarrerak jaso zituen BBK Live musika jaialdiaren 2025. ediziorako.

Klimametrajea mikrofilm laburren gazteentzako lehiaketa bat da, eta ikus-entzunezko sorkuntzaren bitartez gazteak klima-erronkei buruz sentsibilizatzea du helburu. Mikrofilm laburrek 30 segundo eta 3 minutu bitarteko iraupena dute eta 2 eta 5 pertsona arteko taldeek grabatu dituzte.

Saria irabazi duten mikrofilm laburrak Ihobe sozietate publikoaren Youtubeko kanalean daude eskuragarri.