Lantaldearen lehen saioan gai honetan abiapuntua zein den identifikatu zen, eta bigarren saio honetan ekintzara pasatzeko entitateentzat baliagarriak izan daitezkeen ekintza zehatzak aurkeztu dira. Erosketa eta Kontratazio Berdea prozesu mailakatu gisa ulertu behar da, erakunde bakoitzaren beharrak eta erritmoak kontuan hartzen dituena.

Aurkeztutako ekintzak 6 alderditan egituratzen dira, eta horien bidez Euskadiko Erosketa eta Kontratazio Berdearen 2030eraji Programari atxikitako erakundeek hartzen dituzten konpromisoei erantzuten zaie:

• Erosketa eta kontratazio berdeen politika ezartzea
• Kontratazio publiko berdearen analisia egitea eta hori integratzea administrazioaren prozesura eta tresnetan
• Erakundearen erosketa eta kontratazioan inplikatutako langileak prestatzea eta gaitzea
• Apurka-apurka, produktu- eta zerbitzu-taldeen erosketen eta kontratazioen ingurumen irizpideak txertatzea
• Euskadiko Kontratazioa Plataforma betetzea
• Jardunbide egokiak partekatzea

Saioan, parte hartu duten erakundeek ekintza horiek beren udalerrietan ezartzerakoan izan duten esperientzia partekatu dute gainerako parte hartzaileekin.

Parte hartu duten erakundeek, erosketa eta kontratazio prozesuetan ingurumen irizpideak nola txertatu zehazteko barne protokoloak egitearen beharra azpimarratu dute. Era berean, oso positibotzat jo da IHOBEk pleguetan ingurumen irizpideak txertatzeko eskaintzen duen aholkularitza zerbitzuaren bidez ematen duen laguntza.

Datozen egunetan, erakunde parte-hartzaile bakoitzak bere Erosketa eta Kontratazio Berdearen Ibilbide Orria definitzeko lan egingo du. Dokumentu hori alderdi horretan aurrera egiteko lagungarria izango da, eta erakunde bakoitzak ezarritako helburuak lortzeko erabilgarri dauden tresnak ere jasoko ditu.