Europako Batzordeak European Green Capital eta Green Leaf Applicants sarien 2026ko ediziorako hautagaitza aurkeztera gonbidatu ditu jasangarritasunarekin konprometituta dauden Europako hiriak. Sari horiek Europako hiriek tokiko ingurumenean eta ingurumen globalean, biztanleen bizi-kalitatea hobetuz, duten eragina murrizteko egiten dituzten ahaleginak sustatzen eta saritzen dituzte.

Hiri irabazleek sari ekonomiko bat jasoko dute, eta Europako hiri liderren gero eta sare handiagoarekin egingo dute bat. Izan ere, ikuspegia eta esperientzia partekatzen duten hiri horiek beste batzuk inspiratzen dituzte beren urratsak jarraitzeko.

European Green Capital saria 100.000 biztanletik gorako hiriei irekita dago. Hiri txikienek, 20.000 biztanletik gorako udalerri guztientzat zabalik dagoen Green Leaf Applicants saria jaso dezakete. Vitoria-Gasteizek European Green Capital saria jaso zuen 2012an.

European Green Capital sariaren irabazleak 600.000 € jasoko ditu eta Green Leaf Applicants sariaren bi irabazlek, gehienez, 200.000 € jasoko dituzte. Sari ekonomikoak beren ingurumen-jarduna hobetzeko ekimenak eta neurriak ezartzen lagunduko die hiri irabazleei. Sariak herritarrengana iristeko ahaleginetan ere laguntzen die hiriei, saria lortu duten urtean, batez ere.