"Ingurumen Komunikazioko Eskola eztabaida-foro bat da, eta komunikazioa herritarrak ahalduntzeko tresna gisa aldarrikatzen du"

2024ko Ingurumen Komunikaziorako Eskolaren irekieran Alexander Boto Bastegieta Ihobeko zuzendari nagusiak azpimarratu duenez, komunikabideek duten garrantzia gizarteak bere egin ditzan egungo larrialdi klimatikoaren erronkak. Ihobek –Eusko Jaurlaritzako Ingurumen Kudeaketarako Sozietatea– eta Ingurumen Informazioko Kazetarien Elkarteak (APIA) antolatuta, seigarren edizio honek krisi klimatikoaren eta beste ingurumen erronka batzuen aurrean herritarren ahalduntzea jorratu du.

Fokua elkarrizketan jartzen duen formatu berritzaile batekin, eztabaida eta gogoeta gunea Donostiako Miramar Jauregian eta online formatuan garatu da, Euskal Herriko Unibertsitateko Uda Ikastaroen (EHU) eta Donostiako Sustainability Forumen esparruan, non ingurumen arloko dozena bat aditu eta ahots ezagunek parte hartu duten. Beren hitzaldian, Eskolako zuzendaritzakideek, Maria Garcia de la Fuente APIAko lehendakariak eta Yolanda Rodriguez Couso Ihobeko komunikazio estrategikoaren arduradunak, trantsizio energetiko eta klimatikoaren aurrean herritarren inplikazio handiagoa ekarriko duen kontzientziazio sozialean diharduten espezialistek betetzen duten ezinbesteko zeregina eskertu dute.

Elkarrizketa inspiratzaileak, kosorkuntza tailerra eta bisita itsasontzian

‘Garaiz gaude’ izenburupean, lehen elkarrizketak kontrapuntu baikorra ekarri du egungo egoera dela eta. Adela Ucar kazetariak moderatuta, Javier Peña zientzia dibulgatzaileak parte hartu du hitzaldian, eta klima larrialdia komunikatzeko gako batzuk aletu ditu, horri aurre egiteko, Hope! sare sozialetako komunikazio proiektuan erakusten duen bezala, zeinak 2 milioi eta erdi jarraitzaile dituen. Fernando Valladares CSICeko zientzialari eta unibertsitate irakaslea izan du lagun, giza jarduerak ekosistemetan eta biodibertsitatean nola eragiten duen azaltzen duten alderdi batzuk zehazteko.

Komunikazioa klima aldaketaren aurrean herritarren ekintza bultzatzeko ezinbesteko tresna dela izan da hurrengo mahai inguruaren aztergaia. Yayo Herrero aholkulari, ikertzaile eta irakasleak, dibulgazioari dedikazio zabala eman diolarik, ekologia politikoari, ekofeminismoei eta bizitzaren jasangarritasunerako hezkuntzari buruz duen ikuspegia eskaini du. Diskurtso horrek Asuncion Ruiz Guijosa SEO/BirdLife-ko zuzendari exekutiboaren ikuspegi kontserbazionista izan du, Espainiako zenbait guneren ingurumen egoeran duen esperientziatik abiatuta, esaterako, Natura 2000 Sarean. Mahaia Rafael Ruiz Peñak moderatu du, ingurumenean espezializatutako kazetari eta El Asombrario aldizkariaren koordinatzaileak.

Ondoren, Euskadin herritarren batzar bat eta klimaren aldeko ituna sustatzeko erronkari heldu zaio. Mari Mar Alonsok eta Mari Luz Gomezek, Ihobeko Ekintza Klimatikoko zuzendari eta Ihoberen Herritartasun proiektuaren arduradunek, hurrenez hurren, Ihobe Ingurumen Kudeaketarako Sozietate Publikoaren bidez herritarrak ekintza klimatikoan inplikatzeko Eusko Jaurlaritzak abian jarritako politika ezberdinak azaldu dituzte.

Goizeko saioa Naiara Goia Imazen hitzaldiarekin amaitu da, eta Arantzazulab Gizarte Berrikuntzako Laborategiko zuzendari nagusiaren gaia izan da ‘Berrikuntzako ikuspegiak demokrazia indartzeko eta herritarrak ahalduntzeko'.

Arratsaldean, modu presentzialean joan diren pertsonek Santa Klara uharteko eta Hondaleako ingurune natural eta artistikoa bisitatu dute ontziz, Cristina Enea Fundazioaren laguntzari esker. Horrez gain, modu telematikoan parte hartu duten pertsonek Klimaren Murala egiteko kosorkuntza tailer batean parte hartu dute, Adesio aholkularitzako Stephane Kosinskiren eskutik.

Saioen osagarri gisa, Miramar Jauregian EHUko Udako Ikastaroetara joaten diren pertsona guztiek Ballena Blanca ingurumen aldizkariak sortutako ‘Klima aldaketak ez du graziarik 'erakusketa ikusteko aukera dute, mundu osoko hainbat binetagilek arazo larri horren ikuspegi berezia erakusten duena, zeinak ondorioak dituen osasunean, ingurumenean, ekonomian edo nekazaritzan, besteak beste.