Ekonomia zirkularreko eta ekodiseinuko politikak Euskadiko industria-ehunean hedatzean lortutako emaitzak; Ekoetxea ingurumen-zentroen sarearen jarduerak herritarren ohituren aldaketan duen eragina, eta gobernantza klimatikoa izango dira Ihobeko adituen esku-hartzeak, bi urtean behin ingurumen-sektoreko sei mila profesional baino gehiago biltzen dituen ekitaldi honetan parte hartuko baitute.

IHOBEren presentzia abenduaren 2an hasiko da, astelehenean bertan, Daimiel-Ruidera aretoan. Bertan, Ana Rebate ekonomia zirkularraren arloko adituak saio tekniko honetan parte hartuko du: “Ekonomia zirkularreko estrategia publikoak. Nola egin aurrera ekonomia zirkularreko 10 urteko Europako politiken ondoren?”. Saioaren helburua izango da Europako ziklo berriari buruz hausnartzea, politika eta estrategia publiko zirkularren ekintza bideratzeko.

Saioaren emaitzek osatuko dute CONAMAren Batzorde Teknikoa egiten ari den ekonomia zirkularreko estrategia publikoei buruzko dokumentua, tresna mota horiek hobetzen laguntzeko helburuarekin.

CONAMA Ingurumen Biltzar Nazionala da jasangarritasunarekin eta ingurumenarekin lotutako gaiak eztabaidatzeko eta jorratzeko estatuko topaketa nagusia. Ingurumenaren arloko elkarrizketa eta ekintza sustatzeko askotariko eragileak biltzen dira Biltzar horretan

Abenduaren 4an, asteazkena, Albufera aretoan, ekodiseinuari buruzko saio teknikoa egingo da. Sara Aguado ekonomia zirkularraren arloko adituak elkarrizketa-mahaian parte hartuko du, beste eragile batzuekin batera. Elkarrizketa-mahai horretan, Europako Parlamentuak eta Kontseiluak Diseinu Ekologikoaren Zuzentaraua, ESPR araudia indarrean jarri ondoren, eguneratzeko hartutako erabakiaren ondoriozko berrikuntza arau-emaileei buruz mintzatuko dira.

Areto horretan bertan, baina arratsaldez, “Berrikuntza ekonomia zirkularrean. Kontsumo arduratsuaren balioa eta sustapena mantentzeko estrategiak” izenburuko saio teknikoa egingo da. Sara Aguadok “Produktu eta zerbitzuen zirkulartasuna balioesten duten kultura- eta kontsumo-aldaketak” mahai-inguruan parte hartuko du. Mahai-inguru horren bidez galdera hauei erantzun nahi zaie: Nola bultzatzen ditugu produktu eta zerbitzuen zirkulartasuna balioesten duten kultura- eta kontsumo-aldaketak? Nola lagun dezakete administrazio publikoek? Eztabaidan zenbait eragileren ikuspegiak azalduko dira, besteak beste: administrazio publikoa, kontsumitzaileak ordezkatzen dituen erakundea, enpresa handia —marketinaren ikuspegitik— eta enpresa txiki eta ertainak.

Gainera, egun horretan bertan, José Antonio Armoleak, Ihoberen zuzendari juridikoak, "Maila anitzeko klima-gobernantza: ekintza autonomikoa eta tokikoa" saio teknikoan parte hartuko du Urdaibai aretoan. Saio horretan, Euskadin epe ertain eta luzera klimari eta energiari buruzko neurriak ezartzea azalduko du, baita erabilitako gobernantza-sistema eta horren jarraipena eta ebaluazioa egiteko metodologia ere.

Azkenik, abenduaren 5ean, Cabrera aretoan egingo den ingurumen-hezkuntzari buruzko saio teknikoan, Xabier González IHOBEko Jasangarritasun Arloko zuzendariak eta Ainhoa Diaz de Salazar Ekoetxea ingurumen-zentroen sareko jardueraren koordinatzaileak azalduko dute IHOBE sozietate publikoak erabiltzen duen IQUE neurketa-eredua —ingurumen-zentro horien jarduerak euskal herritarrengan duen inpaktua ezagutu ahal izateko neurketa eredua—.

CONAMA Ingurumen Biltzar Nazionala da jasangarritasunarekin eta ingurumenarekin lotutako gaiak eztabaidatzeko eta jorratzeko estatuko topaketa nagusia. Ingurumenaren arloko elkarrizketa eta ekintza sustatzeko askotariko eragileak biltzen dira Biltzar horretan.

IHOBE #Conama2024 biltzarrean

• Abenduaren 2a, astelehena:
  • 39. saio teknikoa. Ekonomia zirkularreko estrategia publikoak. Nola egin aurrera ekonomia zirkularreko 10 urteko Europako politiken ondoren?
• Abenduaren 4a, asteazkena:
  • 41. saio teknikoa: Ekodiseinua.
  • 40. saio teknikoa: Berrikuntza ekonomia zirkularrean. Kontsumo arduratsuaren balioa eta sustapena mantentzeko estrategiak
  • 18. jarduera berezia: Maila anitzeko gobernantza klimatikoa: ekintza autonomikoa eta tokikoa.
    
• Abenduaren 5a, osteguna:
  • 44. saio teknikoa. Ingurumen-hezkuntza