Alexander Boto Basteguietak, Ihobe-Eusko Jaurlaritzako Ingurumen Jarduketarako Sozietate Publikoaren zuzendari nagusiak, ekonomia zirkularraren eta hazkundearen mugen arteko loturari buruzko hitzaldi bat emango du, Erromako Klubaren Euskal Taldean, ekainaren 25ean, 12:00etan.

Zoomen bidez emango den hitzaldiaren ostean, solasaldi bat irekiko da; bertan, Ekonomiaren Garapen, Jasangarritasun eta Ingurumen Sailari atxikitako Ihobe sozietate publikoaren zuzendariak argituko ditu bertaratutako pertsonek planteatutako zalantzak.

Alexander Boto Ekonomia Zientzietan lizentziatua da eta Lurralde Plangintza eta Ingurumen masterra du London School of Economicsetik; Europako Batzordearen aditua da ingurumen eta lehiakortasun ekonomikoaren alorrean. 20 urte baino gehiago daramatza lanean Ihobe-Eusko Jaurlaritzako Ingurumen Jarduketarako Sozietate Publikoan, eta gaur egun haren zuzendari nagusia da. Gainera, gradu ondoko klaseak eman ditu zenbait unibertsitatetan, gai hauen inguruan: 2030 Agenda, ingurumen-berrikuntza, ekonomia zirkularra eta klima-aldaketa.

Izena emateko, mezu elektroniko bat bidali behar da helbide honetara: info@clubderomagv.org.