Portutik irten eta gutxira, Matxitxakoko itsasargiaren aurrean zegoela salatu zuen haren haize zakarrak. Balea oso lasai nabigatzen zuen ekialdera, hiru eta lau korapilo bitarteko abiaduran. Horri esker, begiztatze-ontziak 60 metroko segurtasun-distantziara nabigatu ahal izan zuen haren paren, behaketa oso politak egin ahal izan ziren arnasa hartzera ateratzen zenean Biosfera Erreserbara eta Mundakako herria atzealdean izanda.

Hartaz gozatu ondoren, ekialderako bidea egiten utzi zioten. Ikusteko oso arraroa den espezie hau gero eta gehiago ikusten ari da. Izan ere, aurten balea eder eta enblematiko hau ikustea lortzen den bigarren aldia da. Beste aldia abuztuan izan zen, Matxitxako aurrean ere, mendebalderantz zihoala.

Irailean ere ikusi dute, Zumaia eta Pasaiaren aurrean. Kostako bale mota da, eta, horregatik, errazagoa da kai edo lurmuturretatik ikustea ontzitik baino; pasabidean dauden aleak dira.

Ekoetxea Urdaibai, Eusko Jaurlaritzaren Ekonomiaren Garapen, Jasangarritasun eta Ingurumen Sailaren ingurumen zentroen sarearen parte da, eta Ihobe Ingurumen Jarduketarako Sozietate Publikoak kudeatzen du.