Ekonomia jasangarrirantz igarotzearen arriskuak: ebaluazio-metodologiaren aurkezpena eta laguntza-gida

Jardunaldi honek ikuspegi argia, praktikoa eta aplikagarria eskainiko du karbono gutxiko ekonomiarako trantsizioarekin lotutako arriskuak identifikatzeko, ebaluatzeko eta lehenesteko moduari buruz, iraunkortasunaren arloko erregulazio-, finantza- eta merkatu-eskakizunen hazkundeak markatutako esparru batean.

Saioak konbinatuko ditu arau-esparruaren eta esparru metodologikoaren aurkezpen sintetikoa eta Ihobek Basque Ecodesign Centerren esparruan garatutako tresna baten aurkezpena. Tresna honek arrisku trantsizionalen ebaluazioa modu egituratuan errazten du. Honetaz gain, hainbat tamaina eta sektoretako erakundeetara moldatu ahal da.

Aplikazio-adibideak aurkeztuko dira, eta analisi horiek arriskuen kudeaketako, plangintza estrategikoko eta jasangarritasun-txosteneko prozesuetan nola txertatu aztertuko da.

Funtsezko alderdiak jorratuko dira, hala nola arrisku arautzaileak, teknologikoak, merkatukoak eta ospekoak, CSRD, VSME eta antzeko esparruekin lerrokatzea, eta Network for Greening the Financial System (NGFS) delakoaren klima-agertokiak txertatzea, epe labur, ertain eta luzeko arriskuen bilakaera aztertzeko. Saioak aukera emango du ulertzeko arrisku horiek nola eragin dezaketen erakundeen lehiakortasunean, erresilientzian eta posizionamendu estrategikoan.

Jardunaldiak hurrengo agenteei zuzenduta dago:

• Arrisku horiek ebaluatzera behartuta dauden edo lehiakortasuna hobetzeko kudeatu nahi dituzten industria- eta zerbitzu-enpresak.
• Trantsizio-arriskuen ebaluaziora lehen hurbilketa egituratua izan nahi duten ETEak.
• Erakundeei klima- eta ingurumen-trantsizioan laguntzen dieten finantza-erakundeak, kontsultoriak eta eragileak.
• Ehun ekonomikoaren erresilientzia sustatzeko interesa duten administrazio publikoak eta enpresa-laguntzako erakundeak.

Ekitaldia online izango da eta doakoa, aldez aurretik izena emanda.