Ezagutu Ihobe

Euskadi jasangarri batekiko konpromisoa

Iraunkortasunerako une garrantzitsuan bizi gara. Klima-aldaketak erritmo bizkorrean egiten du aurrera, eta gero eta inpaktu nabarmenagoak ditu gure ingurunean, hirietan eta ekonomian. Ihoben, gure gain hartzen dugu Euskadiko trantsizio ekologikoa bultzatzeko erronka, enpresen, erakundeen eta gizartearen eskutik lan eginez garapen-eredu erresilienteago eta iraunkorrago baterantz aurrera egiteko.

Gure ekintzaren funtsezko ardatzetako bat ekintza klimatikoa da, energia ekoizteko eta kontsumitzeko dugun modua eraldatzeko, baliabideen eraginkortasuna hobetzeko eta naturan oinarritutako irtenbideak sustatzeko. Industriaren deskarbonizazioa, mugikortasun jasangarria eta gure azpiegiturak klima aldakorrera egokitzea dira gure ahalegin nagusiak. Eraldaketa horrekin batera, ekonomia zirkularra funtsezko estrategia da baliabide naturalen gaineko presioa murrizteko eta hondakinak minimizatzeko. Eredu baten aldeko apustua egiten dugu, non materialek eta produktuek bizitza baliagarri luzeagoa izango duten, non berrerabiltzea eta birziklatzea funtsezko printzipioak izango diren enpresentzat eta herritarrentzat. Horrela bakarrik bermatu ahal izango dugu planetaren mugekin bateragarria den hazkunde ekonomikoa. Ihobetik, erronka horiekin eta Euskadi jasangarritasunean erreferente izango den etorkizuna eraikitzearekin dugun konpromisoa berresten dugu. Zorroztasunez, berrikuntzaz eta lankidetzaz lan egiten jarraituko dugu, ingurumen-erronkei benetako konponbide eraginkorrekin aurre egiteko. Trantsizio ekologikoa ez da aukera bat, premiazko behar bat baizik, eta elkarrekin aukera bat egin dezakegu gure gizartearen ongizaterako eta oparotasunerako.

At Ihobe, we are reaffirming our commitment to those challenges and to building a future where the Basque Country is a benchmark in sustainability. We will continue to work rigorously, drawing on innovation and collaboration to face the environmental challenges with real and effective solutions. The green transition is not an option, but rather a pressing need, and we can together turn it into an opportunity for the well-being and prosperity of our society.

Alexander Boto Bastegieta

Zuzendari nagusi

Zorroztasunez, berrikuntzaz eta lankidetzaz lan egiten jarraituko dugu, ingurumen-erronkei benetako konponbide eraginkorrekin aurre egiteko

Misioa, ikuspena eta balioak
Espezializazio-arloak
Ihobe datuetan
Taldea
Gure historia

Helburua

Euskal gizartea eta eragileak trantsizio ekologiko-klimatiko bidezko baterantz inspiratzea eta mobilizatzea.

Misioa

Ingurumena babestea eta hobetzea, eta Euskadiko trantsizio ekologiko-klimatikoari heltzea. Eusko Jaurlaritzaren erakunde publikoa garen aldetik, ingurumena babesteko eta hobetzeko misioa dugu, eta, zehazki, gogor lan egin behar dugu Euskadiko trantsizio ekologiko-klimatikoari lotutako desafio nagusiei aurre egiteko eta, hartara, gure lurraldearen erresilientzia eta lehiakortasuna hobetzeko. Hori egiteko, kalitatezko ezagutza teknikoa sortu eta dibulgatzen dugu, politika publikoak diseinatzen, hedatzen eta ebaluatzen laguntzen dugu, eta ekintza-tresnak garatzen ditugu, gizartea eta haren eragile sozioekonomikoak ingurumenaren aldetik jasangarria den eraldaketa baterantz mobilizatu eta bultzatu ahal izateko, betiere gure bazkide estrategikoekin eta bezeroekin lankidetza estuan jardunez.

Ikuspegia

2030 Agendarekin bat, Euskadiko trantsizio ekologiko-klimatikoa bultzatuko duen Eusko Jaurlaritzaren erakunde publikoa izatea.

Balioak

KOHERENTZIA
Ezinbestekoa da Ihoberen barneko kudeaketaren eraginkortasuna eta efizientzia bermatzea, gaur egun dauden ingurumen-erronkei kalitatezko zerbitzu publikoen bitartez eraginkortasunez erantzungo badiegu.

LANKIDETZA
Gizarte- eta ingurumen-erantzukizunaren ikuspuntutik, beste pertsona eta erakunde batzuekiko lankidetza sustatuko dugu gure misioari erantzuteko, gure balioa jarriko dugu baterako proiektu ekologiko-klimatikoen parte-hartzean, eta haien jardueren eraldaketa jasangarrian lagunduko diegu.

KOHESIOA
Ihoberen gizataldeak ingurumena hobetu eta babesteko konpromiso saihetsezina izan behar du, errespetuan, konfiantzan eta baterako erantzukizunean oinarritutako konpromisoa, balio horiexek baitira talde-lana gidatzen duten eragileak, erakundearen etorkizuneko ikuspegi partekatua eraikitzeko oinarria osatuko dutenak.

ERRESILIENTZIA
Ihobek eta bere pertsonek etengabe egon behar dute unean-unean dauden aldaketa eta desafioetara egokitzeko prest. Horretarako ezinbestekoa da ikusmoldean malgutasuna izatea eta beti ikasteko prest egotea, betiere multzoaren onerako soluzioen bila.