Ihobek zeregin garrantzitsua betetzen du, Eusko Jaurlaritzako Ingurumen Jarduketarako Sozietate Publiko gisa, bere lanaren xede diren ingurumen eremuetan ikerketa eta berrikuntza estrategiak garatzen eta lantzen.
Ezagutza sortzeko eta aliantza estrategikoen ondorioz, Ihobek hainbat tresna eta erreminta jartzen ditu ikerketa sektorearen esku, klima aldaketara egokitzeko I+Gn laguntzeko, garapen jasangarria ahalbidetzeko, bai tokiko administrazioaren ikuspegitik, bai euskal enpresek egiten duten jarduera ekonomikoaren ikuspegitik.
Klima agertokiak, berez, erreferentziazko eta zeharkako informazioa dira, klima aldaketak askotariko sektoreetan (hala nola osasunean, nekazaritzan, baliabide hidrikoetan, ingurune naturalean eta abarretan) izango duen inpaktuari buruzko ondorengo azterketetarako, klima aldaketara egokitzeko neurririk onenak identifikatzea helburu.
.png)
Kostaegoki - EAEko kostaldearen kalteberatasunaren eta arrisku klimatikoaren bisoreak itsas mailaren eta olatuen igoeraren ondoriozko uholde arriskua erakusten du, eta klima aldaketak hartzaileetan (hondartzetan, azpiegituretan, kaltetutako biztanlerian eta jarduera ekonomikoetan) duen inpaktua ezagutzeko aukera ematen du.
.png)
Ihobe sozietate publikoak plataforma berritzaile bat garatu du, Euskal Autonomia Erkidegoan ezarritako naturan oinarritutako konponbide arrakastatsu (NOK) guztiak biltzen dituena. Tresna hori funtsezkoa da NOKen aplikazio-eskalak eta aplikatzen diren inguruneren-hobekuntzan dituzten eragin positiboak ezagutzeko.
Plataformak esku hartze arrakastatsuen katalogo zehatza eskaintzen du, NOKek klima aldaketara egokitzen, ekosistemak leheneratzen eta biodibertsitatea hobetzen nola lagun dezaketen erakusten duen ikuspegi integrala emanez. Arrakasta kasu bakoitzak azalpen tekniko bat, ikasitakoak, aurkitutako oztopoak eta ekimen horien arrakasta ekarri duten funtsezko faktoreak biltzen ditu.
Gainera, Ihoberen plataformak etorkizuneko proiektuak jasoko ditu, eta inspirazio iturri gisa ez ezik, tokiko eta eskualdeko erabakiak hartzeko gida praktiko gisa ere balio du. Informazio zehatza eta adibide zehatzak ematean, Ihobek irtenbide horiek beste udalerri batzuetan errepikatzen laguntzen du, lankidetza eta ikaskuntza jarraitzeko sare bat sustatuz.
Aztertu plataforma eta ikusi naturan oinarritutako soluzioak nola ari diren Euskal Herria eraldatzen, guztiontzat erresilienteagoak eta jasangarriagoak diren inguruuneak sortuz.
Azterketa bioklimatikoa tresna baliagarria da natura ondarea klima aldaketara egokitzeko diagnostikoari ekiteko, klima arriskuaren azterketa espezifikorik ez dagoenean; izan ere, espezieen egungo eta etorkizuneko banaketa potentziala kalkulatzen laguntzen du, eta klima aldaketaren agertokietan zenbaterainoko aldaketak espero daitezkeen hautematen uzten du.
Azterlan honetan sortutako mapek adierazten dute euri-erauntsiek eragindako uholdeetan, hainbat klima-egoeratan; egungo egoeran eta klima-aldaketaren egoeran
Azterketa honen helburua da zehaztea zer gunetan mantentzen diren lehorreko habitat jakin batzuetarako klima baldintza egokiak klima aldaketaren agertoki batean, bai egun duten azalerarekin (SA) bat datozenak, bai beste gune batzuetara zabaltzen direnak.
Mapa hauek LURCARBONTEXT proiektuari esker lortu dira (2017ko KLIMATEK deialdia). Harea, limo eta buztin mapak garatzeko 6.736 lurzoru analisi geoerreferentziatu erabili dira.
Baliabideak eta tresnak
Ihobek egindako tresnen eta erreminten katalogo zabala “Klima aldaketaren tresna eta erreminten kit” delakoan bilduta dago. Bertan, helburu espezifiko baten arabera egituratzen da (arintze edo egokitzapen klimatikoa), eta, kasu bakoitzean, ikerketaren sektorearentzat interes ukaezina duten tresna horien hartzaile nagusitzat jotzen diren eragileak biltzen dira.
.png)
Ihobek sarbide libreko argitalpenen katalogo handi bat du, hainbat azterlan, analisi, metodologia eta gidaz osatua. Ikerketak Ihobeko teknikariek jarduera-eremutan garatu dituzte: ingurumen-iraunkortasuna, ekintza klimatikoa, ekonomia zirkularra, ekodiseinua eta ingurumen-hezkuntza, besteak beste.
