Ardatza: EKONOMIA ZIRKULAR BATERAKO EKODISEINUA
Ekodiseinu zirkularrari buruzko ikastaroa: Erabili zirkulartasun-eskakizun berriak produktuen diseinuan
Ekonomia zirkularra aukera estrategikoa izateari uzten ari zaio, eta araudi- eta merkatu-betekizun bihurtzen ari da. Produktu Jasangarrietarako Ekodiseinuaren Europako Erregelamendua (ESPR) indarrean hasteaz batera, enpresek zirkulartasun-printzipioak txertatu behar dituzte beren produktuen diseinuan, garapenaren hasierako faseetatik txertatu ere.
Zergatik jaso prestakuntza ekodiseinu zirkularrari buruz?
2027tik aurrera, EBn merkaturatutako produktuek jasangarritasun-irizpide jakin batzuk betetzen dituztela egiaztatu beharko dute, hala nola, irizpide hauek:
- Iraunkortasuna eta konpongarritasuna
- Birziklagarritasuna eta berrerabiltzeko aukera
- Eraginkortasuna materialen erabileran
- Eduki birziklatuak edo bigarren mailakoak txertatzea
- Produktuaren pasaporte digitalerako (PDP) prestatzea
Ekodiseinu zirkularrak betebehar horiei aurrea hartzeko aukera ematen du, birdiseinu behartuen ziozko kostuak saihesteko, eta bezeroek, arautzaileek eta inbertitzaileek hautematen duten ingurumen-balioa handitzeko.
Bermatu zirkulartasuna diseinutik bertatik. Jaso prestakuntza, egokitu zure produktuak eta gidatu industria zirkularragoa eta lehiakorragoa izateko trantsizioa zure enpresan.
Ikastaroaren edukiak
Modulua 3 orduko saio bakarrean egituratzen da, Ihoberen «Ekodiseinu zirkularra» eskuliburu teknikoan oinarritutako jarraibide praktikoak landuz. Ikastaro honek dagoeneko produktuak diseinatzen, ekoizten edo merkaturatzen dituzten enpresak ditu hartzaile, eta orobat, etorkizunean egokitasuna eta lidergo jasangarria bermatu nahi dutenak.
| DESKRIBAPENA | DATAK, KOKAPENA ETA INSKRIPZIO-ESTEKAK (Inskripzio-estekak letra lodiz daude) |
| 1. SAIOA: Ekodiseinu-gidaliburua eta zirkulartasun-betekizun berrien aplikazio praktikoa. (Iraupena - 3 ordu) | - 2025/09/24- BASQUE CIRCULAR HUB BILBAO (Ihoberen egoitza)
- 2025/09/25- BASQUE CIRCULAR HUB VITORIA GASTEIZ
|
