5. MODULUA. Produktuaren pasaporte digitala

Ardatza: EKONOMIA ZIRKULAR BATERAKO EKODISEINUA

Produktuen pasaporte digitalari buruzko ikastaroa: Trazabilitatearen eta zirkulartasunaren gakoak Europako Ekonomia Berrian

Ekonomia zirkularra eredu digitalizatu, trazagarri eta gardenerantz doa. Esparru horretan, Produktuaren Pasaporte Digitala (PDP) funtsezko tresna da Europako arauzko eskakizun berriak betetzeko eta produktuen merkatuko ingurumen-posizionamendua hobetzeko. «Produktuen Pasaporte Digitala» izeneko moduluak, Euskadi ETE Zirkularraren 2025. urteko programan jasotakoak, aukera ematen die euskal enpresei pasaportearen nahitaezko ezarpenari aurrea hartzeko eta haren potentzial estrategikoa aprobetxatzeko.

Zer da Produktuaren Pasaporte Digitala (PDP)?

PDP sistema elektroniko bat da, eta produktu baten ingurumen-inpaktuari, osaerari, bizitza-zikloari, zirkulartasunari eta trazabilitateari buruzko informazio kritikoa biltzen du. Haren garapena Produktu Jasangarrietarako Ekodiseinuaren Europako Erregelamenduari (ESPR) lotuta dago, eta 2027tik aurrera nahitaezkoa izango da lehentasunezko produktuetan.

PDPk honako hauek erraztuko ditu:

• Iraunkortasunari eta ekonomia zirkularrari buruzko araudia betetzea.
• Kontsumitzaile, administrazio eta enpresentzako ingurumen-datuen eskuragarritasuna.
• Materialen eta osagaien trazabilitatea hobetzea.
• Erosketa publiko berdea, ESG auditoriak eta esportazioak bideratzeko dokumentu-euskarria.

Aurrea hartu produktu digitalizatu eta jasangarriaren etorkizunari. Eman izena orain eta gidatu Produktuaren Pasaporte Digitalaren ezarpena zure enpresan.

Ikastaroaren edukiak

Modulu hau 2 orduko saio bakarrean, eta PDPren ikuspegi estrategikoa, teknikoa eta erregulazioari buruzkoa eskaintzen du. Ikastaro honi esker, egoki ulertuko duzu zure erakundea hemendik aurrera nola prestatu PDPren eskakizunak betetzeko eta erregulazioaren ziozko arriskuak edo merkataritza-langak saihesteko.