- Ingurumen-plangintza
Let's Clean Up Euskadi! Let's Clean Up Europe! ekimenetik sortu zen, Hondakinak Prebenitzeko Europako Astean (EWWR) sustatu ostean, ingurunean garbiketa-ekintzak eginez herritarrei sentsibilizatzeko. Let's Clean Up Euskadi! kanpainak zure erakundeko pertsonek hondakinak prebenitu eta murriztearen garrantziaz kontzientzia har dezaten lagunduko du.
2024 kanpainaren helburua herritarrak eta parte hartzen duten erakundeak sentsibilizatzea da, lurzoru osasungarria eta hondakinik gabea mantentzearen garrantziaz, pertsonentzako eta ingurumenerako zerbitzu ugariren iturri baita.
Enpresek, administrazioek eta GKE-ek eginkizun garrantzitsua dute taldeak sentsibilizatu eta kontzientziatzeko orduan. Gainera, intereseko taldeen balorazioa eta ospea hobetzen dira. Hala, Let's Clean Up Euskadi! kanpainaren 2024ko edizioan eraginkortasunez parte hartzeak jasangarritasunaren balioetan sakontzeko aukera emango du. Let's Clean Up! kanpainaren 2024ko edizioa batez ere ekaineko lehen hamabostaldian egingo da Ingurumenaren Munduko Egunaren esparruan.
Ihobe sozietate publikoak koordinatzen du Let's Clean Up Euskadi! kanpaina, eta garbiketa-ekintzetan parte hartzen duten erakundeen esku ekintza horiek garatu ahal izateko materiala jarriko du. Kiten barruan aurki daitezke erabiltzeko prestakuntza- eta dibulgazio-materialak, ekintzak antolatzeko gidak, eskularruak eta hondakinak biltzeko poltsak.
Informazio-jardunaldian azalduko da nola parte hartu, eta aurreko edizioetako enpresa eta erakunde parte-hartzaileen adibide inspiratzaileak aurkeztuko dira.
