Txostena egiteko eta datua prestatzeko beharrak (zergatik neurtu eta zer maila den nahikoa)

Karbono-aztarna bezeroek, finantza-erakundeek, homologazio-plataformek eta administrazioek gehien eskatzen duten ingurumen-adierazleetako bat bihurtu da. Hala ere, enpresa txiki eta ertain askok zailtasunak izaten dituzte identifikatzeko zer informazio bildu behar duten, zein xehetasun-maila den nahikoa eta nola antolatu beren datuak eskakizun horiei eraginkortasunez erantzuteko.

Saio honek Climate & Circularity Calculator (3C tresna) modulua inauguratuko du: Erakundearen karbono-aztarnaren kalkulua erabilgarritasun-ikuspegiarekin, sei prestakuntza-saioz osatua. Lehenengo hirurek ondoz ondoko bloke bat osatzen dute, parte-hartzaileek beren erakundearen karbono-aztarna kalkulatzen ikas dezaten, Ihoberen Climate & Circularity Calculator (3C) tresna erabiliz.

Lehen saio horretan, parte-hartzaileek karbono-aztarnak merkatuaren eta araudiaren egungo testuinguruan duen zeregina ezagutuko dute, araudi-betebeharrak eta merkatuaren benetako eskakizunak bereizten ikasiko dute, eta kalkulua eraginkortasunez egiteko beharrezkoak diren datuak identifikatzen eta prestatzen lan egingo dute. Lan praktikoari laguntzeko, saioa baino lehen datuak biltzeko txantiloi bat emango da, eta parte-hartzaile bakoitzak bere erakundean dagoen informazioarekin osatu beharko du.

Jarduera Ihoberen 2026-2027 Jarduneko Profesionalentzako Ekonomia Zirkularreko Prestakuntza Programaren barruan dago, eta Antolaketaren Trantsizio Zirkularra ibilbidearen parte da. Ibilbide hori ETEei ingurumen-informazioa lehiarako abantaila eta erabakiak hartzeko tresna bihurtzen laguntzeko diseinatuta dago. 

Garrantzitsua: parte-hartzaile bakoitzak ordenagailu bat eta Interneterako konexioa izan beharko ditu, modulu honetako saioen jarraipen egokia egiteko.

:: INFORMAZIO ERABILGARRIA

• 2026-2027 Jardunean dauden Profesionalentzako Ekonomia Zirkularreko Prestakuntza Programari buruzko informazio guztia
• Egitarau osoa PDF formatuan
   

PRESTAKUNTZA-PROGRAMA (09:00-13:00)

1. Oinarri teorikoak
   • Zer da erakundearen aztarna: karbono-aztarnaren eta ingurumen-aztarnaren arteko aldea
   • 1. irismeneko emisioak (zuzenekoak)
   • 2. irismeneko emisioak (erositako elektrizitatea, beroa edo lurruna)
   • 3. irismenaren eta materialtasun-analisiaren sarrera
2.  Karbono-aztarnarekin lotutako lege- eta merkatu-ekimen desberdinen azterketa
   • Eskaera motak (bezeroak, bankuak, homologazioak) 
3. 3C tresnaren erabilera eta 1. eta 2. irismenak kalkulatzeko saio praktikoaren prestaketa
   • 3C tresnaren funtzionamenduaren azalpena
   • Kalkulua egiteko beharrezkoak diren datuen berrikuspena
   • Beharrezko gutxieneko ebidentziak

ARIKETA PRAKTIKOA

Datuak biltzeko txantiloiaren berrikuspen gidatua, parte-hartzaile bakoitzak hurrengo saioetan 1., 2. eta 3. irismenak kalkulatzeko beharrezko informazioa izan dezan