Web mintegia: Ingurumen-klausulen jarraipena, ingurumen-irizpideak txertatu diren kontratu publikoen betearazpenean

Helburua:
Mintegi hau -EAEko sektore publikoari eta, batik bat, kontratu-arduradunei zuzendua-, kontratuen betearazpenean ingurumen-irizpideak betetzen direla kontrolatzeari buruzko ikuspegiak aurkeztu eta aukerak eztabaidatzera bideratuta dago.
Gero eta lizitazio gehiagok hartzen ditu barnean ingurumen-irizpideak, izan derrigorrean, izan enpresa lizitatzaileen beraien ekimenez. Irizpideoi -gainerakoei legez- jarraipena egin behar zaie kontratua indarrean den aldian, ingurumen-hobekuntzak paper bustia ez izatea bermatzeko.
Mintegian, jarraipenak zenbateko garrantzia duen azalduko da, hala nola zer eragin duen erakunde kontratatzailearentzat, eta zein diren hainbat administraziok jarraipena egiteko -eta, ondorioz, kasuan kasuko neurri zuzentzaileak hartzeko edo zehapenak jartzeko- ezarri dituzten ikuspegi eta jardunbideak.

Nori dagoen zuzenduta:
Ingurumen-irizpideak dituzten kontratuen kontrolaz eta jarraipenaz arduratzen diren EAEko sektore publikoko teknikariak.