Agenda

24 IRA

Euskadin egindako produktu zirkularren "Zirkularrak-Circulares" erakusketa

Ekonomia zirkularra

Palacio de Congresos y Exposiciones Europa

Nola iritsi

Europa Jauregia

Gasteiz hiribidea z.g.

01009 Gasteiz (Araba)

Tel.: (+34) 945 161 262 79

Helbide elektronikoa: www.vitoria-gasteiz.org/congresos

Autobusez

Gasteizen, autobusak Herrandarren kalean utziko zaitu. Taxia edo hiri-autobusa har ditzakezu, I eta II saihesbidea, Herrandarren kalean

Kotxez, A68 autobidetik

Gasteiz-Lakua irteera hartu eta Gasteizko hiribideraino zuzen jarraitu.
Telefono interesgarriak
RadioTaxi 945 273 500

Av. Gasteiz, 85 - 01009 - Vitoria-Gasteiz
2022/09/24
11:30 - 20:00

Irailaren 24tik urriaren 2ra bitartean, Gasteizko Europa Biltzar Jauregiak Euskadin fabrikatutako produktu zirkularren “Zirkularrak-Circulares” erakusketa hartuko du.

Erakusketak ekodiseinuaren metodologiez fabrikatutako askotariko produktuak biltzen ditu. Ekodiseinu horretan bizi-zikloaren ikuspegia aplikatu da, eta, hortaz, nabarmen murriztu da produktuen ingurumen-inpaktua.

Euskadik 20 urte baino gehiago daramatza ingurumen-irizpideak aplikatzen produktuen diseinu eta garapenaren fasetik, eta, izatez, ekodiseinatutako produktu eta zerbitzuen ekoizpena gidatzen du estatuan; gainera, erreferentziazko eskualdetzat hartzen da Europako Hegoaldean, batez ere industriaren alorrean.

Erakusketak 140 produktu baino gehiago biltzen ditu, Euskadin presentzia duten balio-kateekin lotuak, hau da, besteak beste balio-kate hauekin lotuak: makineria, metalgintza, garraioa, altzariak, automobilgintza, kontsumo-ondasunak, kimika, elikagaiak, sektore elektriko-elektronikoa edo eraikuntza-materialak. Era horretan lortzen da ekodiseinuak enpresa-jardueraren edozein sektoretan duen potentzialaren inguruko ikuspegi integral bat izatea, euskal enpresek ekonomia zirkularraren alorrean gauzatzen duten lana eta hartuta duten konpromisoa aitortzeaz batera.

Erakusketarako sarrera doakoa izango da, eta bisita gidatuak izango ditu egunero, bertaratzen direnek ezagutu ahal izan ditzaten ingurumen-hobekuntzari begira inplementatu diren estrategiak.

Irailaren 29an, jardunaldi espezifiko bat egingo da, izenburu honekin: “Produktu zirkularrak eta ekodiseinatuak: Gasteizko enpresen esperientzia praktikoak; bertan, Gasteiz hiriko enpresa batzuek konpartituko dute zirkulartasunari buruz duten ikuspegia, eta euren irtenbide zein emaitzak aurkeztuko dituzte.

Gainera, astebururako beste jarduera batzuk daude aurreikusita ekonomia zirkularra gazteei eta haurrei hurbiltzeko.

Erakusketaren ordutegia:

Astelehenetik larunbatera: 10: 00etatik 14: 00etara eta 16: 00etatik 20: 00etara
Igandeetan: 10: 00etatik 14: 00etara

Egitaraua 2022/09/24

11:30	Bisita gidatua GASTELANIAZ publikoari irekita
12:30	Bisita gidatua EUSKARAZ, publikoari irekita
17:00	Nerabeak (publiko orokorra): Bizikleta konpontzeko oinarrizko tailerra: Tailer teoriko-praktikoa, nerabeei zuzendua eta aditu batek dinamizatua. Bizikletaren atal mugikorren ezaugarriak eta atal horiek modu egokian mantentzeko forma azalduko dira. Plaza kopuru mugaturik gabe Haurrak: Kartoi eta papera birziklatzeko tailerra: Tailerraren helburua da tamaina desberdineko tramankuluak egitea, kartoiz eta paperez baliatuz. Tailerrak 20 pertsona har ditzake aldi berean, eta etengabe funtzionatuko du; era horretan, leku libre bat geratzen den unean beste pertsona bat sar daiteke.

Egitaraua 2022/09/25

11:30	Bisita gidatua GAZTELANIAZ, publikoari irekita
12:30	Bisita gidatua EUSKARAZ, publikoari irekita