- Ekonomia zirkularra
- Ingurumen-plangintza
- Hondakinak
Ihobek abian jarri du 'Ekostegunak - Ekoefizientziaren ostegunak'en edizio berri bat
Ihobek 10 urte bete ditu Euskadiko Hondakinak Prebenitzeko Europako Astea kudeatzeko eta antolatzeko idazkaritza teknikoan (European Week for Waste Reduction -EWWR), eta, 2019az geroztik, Hiri Hondakinak Koordinatzeko Organoak/ Ihobek jardunaldi teknikoak antolatu ditu ekimen honen barruan, gai berritzaileekin. Oraingoan, saioan zehar aurkeztutako ehunka ekintzen artean bereziki garrantzitsuak diren ekintzen multzoa aurkeztuko da. EWWRren ahalmena ezagutaraztea, ekintzarik onenei eta bere sustatzaileei zabalkundea ematea eta interes-talde guztien parte-hartzea bultzatzea da helburua, datozen deialdiei begira.
2022ko lehen Ekostegun horrez gain, datorren maiatzaren 12an egingo den bigarren Ekoefizientziaren ostegunerako izena emateko epea irekiko da:
EKOSTEGUNA: Finantza Jasangarrien Erregelamenduak euskal enpresa-sarean duen eragina: betebeharrak eta aukerak.
Ekostegunak - Ekoefizientziaren ostegunak ekimenaren helburua da ingurumena euskal enpresa-sarearen estrategia eta operatibara hurbiltzea, ekoefizienteagoa, berritzaileagoa eta jasangarriagoa izan dadin, eta horrez gain, lankidetzan aritzea enpresen lehiakortasuna hobetzeko, administrazioarekin eta enpresa aurreratuekin lankidetzan, elkarrekiko intereseko ingurumen-ezagutza transferituz. Azken batean, enpresei legeria berrira egokitzea erraztea da helburua, ingurumenaren arloko irizpide tekniko-administratibo adituaren berri emanez eta enpresa aurreratuenen ingurumen-jardunbide egokiak partekatuz.
Jardunaldiak Ihoberen agendan argitaratuko dira. Bertan, jardunaldi bakoitzeko programak xehatuko dira, eta izen-emateak egin ahal izango dira. Ekostegunak- Ekoefizientziaren ostegunak, oro har, 10:00etatik aurrera egingo dira, ekitaldian parte hartzen duten guztien familia-kontziliazioa errazteko.
Ekitaldi honetako datozen hilabeteetan, jardunaldi tekniko hauek egitea aurreikusten da:
Maiatzak 5 | EKOSTEGUNA: EWWRko parte-hartzearen X. urteurrena. 10 ekintza garrantzitsu eta Europako 2022ko sariaren hautagaiak |
| Maiatzak 12 | EKOSTEGUNA: Finantza Jasangarrien Erregelamenduak euskal enpresa-sarean duen eragina: betebeharrak eta aukerak. |
| Maiatzak 19 | EKOSTEGUNA: Lehiakortasunari aurrea hartzea: ingurumen-erronkak elikaduraren eta edarien sektorean. |
| Maiatzak 26 | EKOSTEGUNA: Birmanufaktura eta konponketa aurreratua: Ekoberrikuntza zirkularra eta lehiakortasunari aurrea hartzea makina-erremintaren sektorean |
| Ekainak 2 | EKOSTEGUNA: Produktu jasangarriei buruzko Europako Ekimen berriaren gakoak |
| Ekainak 9 | EKOSTEGUNA: Lehiakortasunari aurrea hartzea: ingurumen-erronkak mugikortasunaren, logistikaren eta garraio-ekipamenduen ekoizpenaren sektorean |
| Ekainak 16 | EKOSTEGUNA: ETE Zirkularra eta Ekoberrikuntzaren laguntzen aurkezpena |
| Ekainak 23 | EKOSTEGUNA: Ekoberrikuntza zirkularra eta lehiakortasunari aurrea hartzea metalaren sektorean (altzairua eta aluminioa: ingurumen-erronkak eta kasu praktikoak) |
| Ekainak 30 | EKOSTEGUNA: Ekoberrikuntza zirkularra eta lehiakortasunari aurrea hartzea eraikuntza-materialen sektorean: ingurumen-erronkak eta kasu praktikoak |
| Uztailak 7 | EKOSTEGUNA: Lehiakortasunari aurrea hartzea: ingurumen-erronkak ingurumen-sektorean |
| Irailak 15 | EKOSTEGUNA: Erakundeentzako Ekonomia Zirkularraren Adierazleen Gidaren aurkezpena |
| Irailak 22 | EKOSTEGUNA: Ekoberrikuntza zirkularra Euskadin: plastikoaren sektoreko kasu praktikoak |
| Irailak 29 | EKOSTEGUNA: Euskadiko teknologia garbien zerrenda berriaren aurkezpena |
Iturria:Ihobe
