Basque Green Dealek Euskadin emisioak murrizteko eta energia berriztagarria sortzeko helburuak biltzen ditu. Baina ez da soilik arlo horietara mugatzen, industria eta teknologia palanka nagusi dituen eredu ekonomiko berri baten proposamen gisa baitator; hortaz, zientzia, teknologia, ekonomia zirkularra, industria, trantsizio energetikoa edo elikatze-katea bera helburu berarekin lerrokatzen dira: garapen bidezkoa eta jasangarria.