Skip to main content
2026ko irailaren 22a

ASTEKLIMA Azoka, euskal gizartea klimaren alde mobilizatzeko azoka ibiltaria

ASTEKLIMA Azoka, euskal gizartea klimaren alde mobilizatzeko azoka ibiltaria

Irailaren 22tik urriaren 1era bitartean, Bilbon, Donostian, Gasteizen, Bermeon, Trapagaranen, Bakion, Irunen, Zarautzen eta Azpeitian ikusi ahal izango da, Euskadiko Klimaren eta Energiaren Asteko jarduera nagusi gisa

Ekimena posible izan da Ihobe sozietate publikoaren, Energiaren Euskal Erakundea-EEEren, Udalsarea 2030 udalerri jasangarrien euskal sarearen, Ekoetxea ingurumen zentroen sarearen eta Life Urban Klima 2050 Europako proiektuaren arteko lankidetzari esker.

Azoka hau Bilbon, Donostian, Gasteizen, Bermeon, Trapagaranen, Bakion, Irunen, Zarautzen eta Azpeitian ikusi ahal izango da.

ASTEKLIMA Azokak “pasaporte” formako joko dinamika bat proposatzen du, pertsonek autodiagnostiko bat egin ahal izan dezaten. Dokumentu horrek, gainera, informazioa eta jarduera posibleak eskainiko ditu. Tresna ludikoen bidez, hainbat gai landuko dituzte bisitariek, hala nola: klima aldaketa zer den eta horri aurre egiteko ekiteak duen garrantzia; etxebizitzetan nola joka daitekeen; mugikortasuna, aisialdia eta kontsumoa; nire udalerriak zer egiten duen; eta norbanakoaren konpromisoa.

Azokak sei karpa ditu, hainbat jolasekin, eguneroko bizitzaren hainbat alderdiri eta klima aldaketan duten eraginari buruz sentsibilizatzeko. Azken helburua da bisitariek erronka bat hartzea eta ekintzaren batekin konprometitzea. Konpromisoa betetzea errazteko, aplikazio mugikor bat garatu da, pertsona bakoitzari ohiturak aldatzen lagunduko diona hurrengo 21 egunetan.


ASTEKLIMA AZOKA karpetako gaiak

  • Klima aldaketa zer den eta EKINTZAren garrantzia.
  • Nola jokatu nire ETXEBIZITZAn.
  • Nola MUGITZEN garen.
  • Nola jokatu nire AISIALDIAN eta KONTSUMITZEAN.
  • Life Urban Klima proiektua zer den eta nire UDALERRIA nola jokatzen ari den.
  • ZUK ZER egingo zenuke? Konprometitu zaitez aldaketa ekintzaren batekin.

ASTEKLIMA AZOKA ibilbideak

  • 09/22 Bilbo 16:00-20:00 - Emakumeen Arazoaren 25eko plaza. Bailen kalea, 1
  • 09/23 Bakio 10:00-13:00 - Bentalde auzoa. Sabino Arana hiribidea
  • 09/23 Trapagaran 17:00-20:00 - Zugaztieta
  • 09/24 Irun 10:00-14:00 - Zabalgune plaza
  • 09/28 Azpeitia 16:00-20:00 - Plaza Nagusia
  • 09/29 Gasteiz 16:00-20:00 - Santa Barbara plaza
  • 09/30 Donostia 10:00-13:00 - Gipuzkoa plaza
  • 09/30 Zarautz 17:30-20:00 - Itsas Pasealekua-Matxitxako
  • 10/01 Bermeo 10:00-14:00 - Lamera Parkea


Iturria:Ihobe

Agian hau ere interesatzen zaizu

2026ko azaroaren 20a
  • Ekonomia zirkularra
Euskadik 130 jarduera baino gehiagorekin bat egin du 2026ko Hondakinen Prebentzioaren Europako Astearekin, kontsumo arduratsuagoa eta jasangarriagoa sustatzera begira
2026ko azaroaren 18a
  • Klima aldaketa
Klima-aldaketara egokitzea bertako industriarentzako eta lurraldearentzako aukera bihurtu du Euskadik
2026ko azaroaren 16a
  • Klima aldaketa
Euskadik nazioarteko esperientziak eta benetako soluzioak bilduko ditu ADAPT AKTION Euskadi 2050 topaketan, klima-aldaketara egokitzen aurrera egiteko
2026ko azaroaren 12a
  • Ekonomia zirkularra
Basque Green Talent zortzigarren ediziora iritsi da 2024tik ekonomia zirkularrean trebatutako 128 gazterekin