Dokumentu hau Basque Ecodesign Center-ek zaintza-sistemaren bidez hartutako ezagutzan oinarrituta garatzen dituen ingurumen-zaintza estrategikoko txostenen laugarren edizioa da. Helburua da ekonomia deskarbonizatu eta zirkularrago baterako trantsizio-palanka gisa jokatzen duten araudiko eta merkatuko azken berrikuntzak biltzea. Horrez gain, Basque Ecodesign Centerreko enpresa bazkideek jarduten duten baliokateetarako garrantzitsuak diren aitortutako estandar eta metodologia berriak identifikatzen ditu. Horretarako, sei ardatz tematikoren inguruan egituratzen da txostena:

• Gardentasuna eta posizionamendua
• Ekonomia zirkularrerako ekodiseinua
• Lehengaiak eta hondakinen kudeaketa
• Deskarbonizazioa bizi-zikloaren ikuspegitik
• Zero Pollution
• Finantza jasangarriak