Euskadiko 200 enpresa industrial baino gehiago aplikatzen ari dira ekodiseinuan oinarritutako eredu zirkularrak, batez ere sektore hauetan: automobilgintza, garraioekipoak, ekipo elektriko eta elektronikoak, makina-erreminta, metalgintza, kimikoa, altzariak, eraikuntza eta ingurumen-zerbitzuen azpisektorea.

Katalogo hau euskal industriak ekodiseinuaren arloan duen lidergoaren erakusgarri bat da. Horretarako, hamar sektore industrialetako produktuen kategoria zabal bat biltzen du; produktu horietan, euren ingurumen-inpaktua nabarmen hobetu duten diseinu ekologikoko metodologiak aplikatu dira, eta eredugarriak dira Europako sektore industrial osorako.