Eskolak gizartearen eta ingurumenaren premiei erantzun nahi badie, ingurunearekiko irekiagoa izan behar du, ingurunea ulertu eta bertan esku hartzeko ezagutzak eta gaitasunak ezarri behar ditu eta bere inguruko ingurumenaren hobekuntzarekiko konpromisozko jarrerak eta baloreak sustatu behar ditu. Eskolako Agenda 21aren plangintzarako gidak, hain zuzen, jarraibide batzuk eskaini nahi ditu ildo horretan, tokiko jasangarritasunaz arduratzen den eskola baten zergatia aztertuz eta hobekuntzarako hezkuntza-proiektuak burutzeko jarraibideak planteatuz; izan ere, proiektu horiek lagunduko digute parte-hartze handiagoa izango duten eta tokiko jasangarritasun horrekin eta bidezko garapenarekin konprometituago egongo diren ikastetxeak eraikitzen.