Aurten ere Eusko Jaurlaritzaren Ingurumen Sailak bat egin du ‘Zero Zabor Uretan’ kontzientziazio-kanpainarekin. Kanpaina euskal kostaldeko hainbat portuetan lehorreratuko da uztailean zehar MATER Ontzi Museo Ekoaktiboaren eskutik, mezu bat zabaltzeko: "Zaborrik hoberena, sortzen ez dena". Horrela, MATER ontziak itsas zeharkaldi bat egin nahi du euskal kostaldeko hainbat arrantza-udalerrietatik, itsas hondakinen arazoaz kontzientziatzeko eta herritarrak hauek saihestu ditzaten inplikatzeko.

Eusko Jaurlaritzako Ingurumen sailburuorde Elena Morenok parte hartu du Zero Zabor Uretan ekimenaren aurkezpen publikoan, eta azpimarratu du oso garrantzitsua dela herritarren kontzientziazioa “eta, bereziki, bizi duguna bezalako une batean”. “Martxotik aurrera, Euskadiko osasun-hondakinek ia % 400eko hazkundea izan dute aurreko urtearekiko. Ezin dugu onartu birusaren aurka babesten gaituzten eskularruak eta maskarak natura-ingurunean edo itsasoan amaitzea. Koronabirusaren krisiak agerian utzi du irtenbide bakarra irtenbide ekologikoa dela”. Sailburuordeak aipatu du prebentzioan ere lanean jarraitu behar dela. “Eusko Jaurlaritzaren Ingurumen Sailean dagoeneko lanean ari gara datozen lau urteetarako Euskadiko Hondakinak Prebenitzeko eta Kudeatzeko Plan berri batean, eredu zirkular baterantz aurrera egiten jarraitzeko, hondakinak ekoizpen-zikloan berriro sar daitezkeen baliabideak bihur daitezen. Kostaldearen eta itsasoaren zaintza gure etxeetako, herrietako, hirietako eta industriako hondakinen kudeaketatik hasten da”, adierazi du.

Itsas hondakinen % 80 lurreko hondakinen egungo kudeaketatik dator, bai eta gizarteak hondakinak sortzeko duen kontzientziazio eta konpromiso faltagatik ere.

Covid-19tik eratorritako osasun-krisiaren esparruan, arazoa areagotzen ari da, eta larriki eragiten die ekosistema naturalei eta, ondorioz, baita pertsonen osasunari ere.

Kontsumitzaileen zeregin berriemailearen eta parte-hartzailearen papera oso garrantzitsuak dira aldaketa ahalbidetzeko.

Honako portu hauetan egingo da kanpaina: Hondarribia uztailaren 1etik 3ra, Getaria uztailaren 4tik 6ra, Ondarroa uztailaren 7tik 9ra, Bermeo uztailaren 10etik 12ra, Portugalete uztailaren 13tik 15era, Bilbo uztailaren 16tik 18ra, Mutriku uztailaren 19tik 20ra eta Pasaia uztailaren 22tik 24ra.

Portuetako jarduerak eta lehiaketa sare sozialetan

Kanpaina honetan aurreikusitako jarduerek parte hartzea eta inplikazioa sustatu nahi dute, hondakinak saihesteko alternatibak eskainiz, hauek itsasora iritsi ez daitezen konponbideak ezagutzera emanez. Ezagutu daitezkeen jardueren artean, ontzi museora dagoen bisita ekoaktiboa nabarmendu dezakegu. Bertan, itsasoak gure egunerokotasunean duen garrantzia eta etxetik modu dinamikoan nola zaindu dezakegun ikusarazi nahi du. Bisitak doakoak izango dira, eta aldez aurretik hitzordua beharko dute, Covid-19aren mehatxupean pilaketak saihesteko.

Eko-stand bat ikusgai egongo da portuan bertan, itsas hondakinen arazoari eta gure eguneroko bizimoduan plastikoak dituen alternatibei buruzko informazio erabilgarria erakusteko. Kanpainan, gainera, portu bakoitzeko hondakinen garbiketen eta bilketen hondakinen Top 10ak egongo dira.

Azkenik, kanpainaren barruan, #EKINZeroZaborUretan sare sozialetan egingo den lehiaketa egongo da, gure eguneroko bizitzan, lanean edota komunitatean hondakinak saihesteko ideia eraldatzaileak bilatuz. Ideia irabazlearen saria MATER Ontzi Museo Ekoaktiboan lau pertsonentzako itsasora irteera izango da.

Sobre el MATER

MATER egurrez eraikitako azken euskal atinontzi handia da, Pasaiako Itsas Gela elkarteak desegitetik salbatu zuena eta kontzientziazio-tresna berezi bihurtu dena.

Gaur egun, itsas kultura eta ingurumenarekiko grina kutsatu nahi duten profesional talde baten gidapean, itsas kultura eta ingurumenarekiko grina kutsatu nahi dute, berau kontserbatzen laguntzeko. Misioa aurrera eramateko, bi lan ildo estrategiko ditu: batetik, MATER Museoa, Pasaiako itsasertza maitatzeko eta kontserbatzeko jarduera-programa zabala duena, eta bestetik, MATER Ekoaktiboa, ingurumen sentsibilizazio, hezkuntza-kanpainak eta proiektuak garatzen dituena, Zero Zabor Uretan kanpaina lan ildo honen parte izanik.

Eusko Jaurlaritzaren Ingurumen, Lurralde Plangintza eta Etxebizitza sailaren sustapena izateaz gain, kanpainan Bizkaiko eta Gipuzkoako foru aldundiek, Kutxa Fundazioak, eta Seo Birdlife nahiz Ecoembes erakundeek -azken bi horiek Libera proiektuaren eremuan- parte hartzen dute.