Euskal Autonomia Erkidegoko eraikuntzako eta eraisketako hondakinen egungo balorizazio-ratioak Europako Batasunak eta autonomia-erkidegoetako hondakin-planek ezarritako helburuen oso azpitik daude. Zehazki, eraikuntzako eta eraisketako hondakinen %15-%40 bitarte balorizatzen dugu. Ratio hori ez da, inondik ere, jasangarria, hondakinmota horretatik urteko eta biztanleko tona bat sorteen baita. Adierazle horiek errotik aldatzeko abiapuntu izan nahi du aurkezten dugun lan honek, nabarmen lagunduko baitu Eraikuntzako eta Eraisketako Hondakinen Kudeaketari buruzko 105/2008 Errege Dekretuaren bigarren xedapena administrazio publikoek obretan material birziklatuak erabiltzea aldarrikatzen duena- gorpuzten. Garapen iraunkorrarekin lotura hain estua duen azpisektore ekonomiko horren sendotzea ekarriko du horrek.