Ingurumena babesteko Europan –batez ere ingurumenaren kalitatearekin konpromiso handiena duten herrialdeetan (Herbehereak eta Eskandinavia)– aplikatzen diren erreforma fiskaleko ekimenek frogatu dute, zergazko karga handitu beharrean, zerga-arloa zentzu gehiagorekin banatzen lagundu dutela; izan ere, beste aldagaiek jasaten zituzten zergak murriztu dira eta horiek ingurumenarekin zuzeneko lotura duten alderdietara eraman dira. Zerga-transferentzia horrek enpresetan eta, oro har, gizartean gutxiago poluitzen duten praktikak eta kontsumoak ekonomikoki sustatzeko, baliabide naturalak optimizatzeko eta energia alternatiboak garatzeko aukera eman du, aldi berean. Dokumentu honen helburua, hain zuzen, hauxe da: ildo horretan aurrera egitea –Europako herrialdeetan funtzionatzeko eskemak aurkeztuta– eta Euskal Autonomia Erkidegoan zergaesparruan erabil litezkeen neurri eta mekanismo praktikoak aztertzea.