Eusko Jaurlaritzak Euskadik Parisko Akordioari egindako Ekarpen Zehatza (NDC) aurkeztu du, ekintza klimatikoarekin duen konpromisoa eta nazioarteko, Europako eta Estatuko deskarbonizazio helburuekin duen lerrokatzea berretsiz. Dokumentu horrek sendotu egiten du karbonoan neutroa, erresilientea eta bidezkoa den eredu ekonomiko, energetiko eta sozial baterantz aurrera egiteko Euskadik duen borondatea, Trantsizio Energetikoari eta Klima Aldaketari buruzko otsailaren 8ko 1/2024 Legearekin bat eginez.

Euskadik berotegi efektuko gasen emisioak nabarmen murriztea lortu du, aurrerapen ekonomikoari uko egin gabe. Energiaeraginkortasunean, industriaren modernizazioan, berrikuntza teknologikoan eta ingurumen-kudeaketaren hobekuntzan eutsi zaio aurrerapen horri. Hala ere, energia-sistema, ekoizpen-egitura eta kontsumo-ohiturak karbono gutxiko eredu jasangarri baterantz gehiago eraldatzea eskatzen du klima-erronkak.