Ecovidrio, bilketa selektiboa tokian bertan kudeatzen duen eta beirazko ontzien jasangarritasunari jatorritik erantzuten dion SCRAP espezializatu bakarra, eta Eusko Jaurlaritza, Bilboko Udalarekin lankidetzan, Disneyland Parisera, Europako helmuga turistiko bisitatuenera, batu dira aurten ere, beirazko edukiontziak Disney, Pixar eta Marvelen pertsonaia gogokoenekin tematizatzen dituen kanpainaren seigarren edizioarekin. 

Beira birziklatzeko igluak Frozen (Disney), Woody eta Jessie (Pixar) eta Iron Man eta Black Panther (Marvel) pertsonaiekin tematizatuta egongo dira Bilboko San Nikolas plazatxoan irailaren 29tik urriaren 5era

"Beira birziklatzea abentura handia da!" lelopean, aurten Disneyland Pariseko pertsonaiekin tematizatutako birziklatzeko iglu enblematikoak astebetez egongo dira Bilbon, non familiek beirazko ontzien hondakinak bota ahal izango dituzten pertsonaia bakarrez gozatzen duten bitartean.

Zehazki, edukiontziak irailaren 29tik urriaren 5era bitartean egongo dira San Nikolas plazatxoan (elizaren alboan), Bilbon, eta familiek beirazko hondakinak bota ahal izango dituzte Disneyland Pariseko pertsonaia gogokoenez gozatzen duten bitartean, Forzen, Woody, Jessie, Iron Man eta Black Panther barne. Horien ondorioz, beira birziklatzea ohitura dibertigarria eta familiarra izango da. Informazio-gune bat ere jarriko da, non ingurumen-monitoreek ekimenari buruzko informazioa emango dieten herritarrei eta beirazko ontziak birziklatzeko poltsa berrerabilgarriak entregatuko dituzten.

Kanpainaren aurkezpen-ekitaldian izan dira Nicolás García-Borreguero, Eusko Jaurlaritzako Ingurumen Administrazioko zuzendaria; José Luis Azpiazu, Bilboko Udaleko Zerbitzu zuzendaria; Carmen Román, Vidrala Taldeko Iraunkortasuneko gerentea eta Oscar Acedo, Ecovidrioko gerentea Euskadin.

Era berean, aurten ere, Disneyland Parisek eta Ecovidriok beira birziklatzeko abentura handian aletxoa jartzen duten pertsona guztiak saritu nahi dituzte. Tematizatutako igluetan edo Ecovidrioko sare sozialen bidez eskuragarri dagoen QR kode bat eskaneatuz, www.reciclavidriocondisney.es webgunean galdetegi labur bati erantzuten dioten pertsonak Disneyland Parisera bidaia baten zozketan sartuko dira.

Parte-hartzaileak ere 200 miniglu tematizatuen zozketan sartuko dira, birziklatzearen abentura handiaren espirituak etxean jarrai dezan.