Udalsarea 2030ek eta Berdinsareak –Emakundek eta Eudelek bultzatutako emakumeen eta gizonen berdintasunaren aldeko eta indarkeria matxistaren aurkako euskal udalerrien sarea–, Ihobeko Ekintza Klimatikoaren Arloarekin eta Emakunderekin batera, toki-eremuan klima-aldaketaren eta genero-ikuspegiaren irizpideak aplikatzeko proiektu pilotuaren bigarren bilera egin dute.

Helburua partekatzea eta udal-kudeaketaren eguneroko esparruetan klima-aldaketaren eta berdintasunaren irizpideak bermatzeko gakoak udal-arlo guztietara modu eraginkorrean eta praktikoan helarazteko baliabideak sortzea da.

Bigarren saio hori otsailaren 1ean egin zen online, eta guztira 14 toki-erakundek, 2 eskualde-erakundek eta 12 udalek hartu zuten parte: Amorebieta-Etxano, Amurrio, Balmaseda, Gorbeialdeko Kuadrilla, Donostia, Eibar, Ermua, Gernika-Lumo, Hernani, Irun, Nerbioi-Ibaizabaleko Mankomunitatea, Ortuella, Urduña eta Vitoria-Gasteiz.

Saioan, toki-erakundeek espazio publikoen diseinuen dekalogoetan, erosketa eta kontratazio publikoan, pobrezia energetikoan eta espazioen, jardueren eta ekipamenduen programazioan sakondu dute.

Era berean, lehenengo saioan landutako dekalogoen (Tokiko jaiak eta Inkestak) azken bertsioak aurkeztu dira.