2030erako Euskadiko Ingurumen Esparru Programa (IEP 2030 aurrerantzean) Euskadiko ingurumen-politiken iparrorratza izango da hamarkadaren amaierara arte, eta 2030. urterako lurralde jasangarriago bat lortzeko bidea ezarriko du.

IEP 2030ak aurreko programekin alderatuta dakarren berritasun nagusia bere ikuskera da. Izan ere, ardatza ez da ingurumen-helburuen sorta bat zehaztea, helburu horiek ongi zehaztuta baitaude dagoeneko, eta, beraz, ez da beharrezkoa ohiko plan bat edota planak biltzeko estrategia bat izatea. Programaren aplikazioa zeharkakoa izango da, eta EAEko lurraldeko jarduera sozioekonomikoaren arlo askotara iritsiko da.